呢幾年，政府容許一D合資格嘅自願醫保扣稅，令到多左好多人關注呢方面嘅保障。
產品定位有高有低，其中嘅高端醫療，保障比較全面，一般住院費、醫生費、手術費等等，唔會好似一般醫療計劃咁逐樣設限，無論幾貴都全數賠償，唯一就係成個Plan有最高限額，不過每年都成千萬（甚至幾千），實際上有限等於無限。
（曾經有人問我，講普通話：這個陪完，就沒了？我話：你説沒的意思，是賠償還是人？幾千萬醫療費都花光，人都差不多了！！）
呢D高端醫療保障，保障範圍好多時候都會包括外地，根據計劃等級，有包括亞洲，或者環球不包美國（美國真係貴），同真係環球。意思係萬一發現有乜野癌症、心臟病之類，可以揀去你覺得有信心嘅地方醫。
呢個同一般醫療保險嘅環球緊急支援服務唔同（有D Agent會用呢個條款講到個Plan係全球保障），緊急支援只係包括响外地有意外先可以安排入院，唔係响香港發現有病，然後去外國揾最好嘅醫生。
之前，高端醫療唔太受香港人歡迎，可能因爲呢個全球保障真係無乜實際用途，香港醫療已經好有水準。但係對大陸人黎講，呢款產品真係大賣。佢地根本就對大陸醫療體系無信心，醫護人員專業水平一件事，最重要係醫德，太多醫生同醫院，為左賺錢，明明無需要做嘅手術都叫你做。錢一件事，重點係無端端挨一刀。
所以大陸人好鍾意買呢類環球醫療，有事，可以黎香港，甚至去日本、泰國（？）、澳洲、歐洲，甚至美國醫。最低限度，都可以用個Plan嘅「第二醫療意見」服務，聽下外國醫生嘅意見（香港威爾斯親王醫院都係提供呢個服務嘅醫院之一，公立醫院都可以賺下保險公司外快，補貼下我地市民都好），如果外國醫生都話個手術要做，就算唔出國做，都起碼證實唔係無端端挨一刀。
「𡁫屎」，如果大家sell比本地客戶，真係好難，無呢個感覺。但係唔好忘記，呢幾年好多「黑護」選擇（被逼）移民，空缺由「副顧問護師」，同「未在香港實習的海外醫科畢業生」填補。未來萬一有病，係唔係都係飛去揾番移左民去外國嘅「黑護」好D？不妨叫客戶自己諗諗，如果客戶能力許可，轉買呢類環球產品，唔使第時要用到，硬食香港果陣時來自偉大祖國具服務人民精神嘅「良心醫護」。
不妨注意下呢方面嘅客戶需求。
Comments