好多Agent朋友都同我講，見到有D同行，做保融做到好掂（皆因做得融資，保費最少都過百萬，而幾百萬都好平常），成日都想學下點做。
我就講，最緊要識得計數，要有數學底。因爲加息周期下，確實利潤空間細左，而且一般客戶都對呢類產品多左認識。
如果話之前低息環境，呢樣野又新嘅時候，真係有客戶會是是旦旦就買。但今時今日，如果你計唔到比個客睇（用Excel Demo成個Project每一個細節，唔係我見過有D同行隨便篤計數機就話咩野年回報十幾厘果D），大拿拿自己拎幾十萬出黎，仲要借銀行成百萬，點會Commit？
我聽過有同行同我講，條Team推物業活化，搞Booth搞Seminar，吹大D，咩野年回報十幾厘，真係吸引到客戶黎聼。但10個有9個半都簽唔到，無它，你吹幾大都得，但解析唔到令客戶信服，咪唔做lor。
好似我地Team呢個星期，大推新一代嘅保費融資產品2.0，真係優勢過之前同類產品好多，因爲係就住而家加息呢個客觀情況黎設計出黎。
所以我真係為左呢件事，寫左個Excel出黎，可以輸入每一年唔同貸款利率假設，例如我地嘅Base Case，唔係假設低息情況（出面我仲見到有人仲用緊上年H零點幾黎計），係假設而家加左息嘅水平（4%），仲假設下年再加1%（5%），維持到2025年先開始減返。
但呢一代保融產品，响呢個假設下，客戶如果拎50萬首期出黎，10年後仍然可以賺到56萬純利（扣除銀行貸款、首期，同10年總利息開支後），呢排股市連萬八點都守唔住（哈，可能你睇到呢篇文時，萬七都可能穿左），樓市又成堆移民盤要消化，50萬賺56萬，都算唔錯。
最重要係，個Excel可以調高調低利率假設。呢排我同客戶Present，講完Base Case，一定豪比佢，做個假設全期5%嘅高息假設。客戶見到，就算係咁，仍然可以賺到40萬，咪有信心lor。
當然，我呢D數佬，點會比佢停，要玩，就玩盡D。索性假設瘋狂加息，全期8%（即係再加4%）。就算係咁，都見到未使蝕。但如果真係10年都呢個高息水平，恆指肯定8千點都無，樓價分分鐘跌9成。呢D咪叫壓力測試lor。
然後，我就話，再加，就真係會蝕，例如全期9%，Excel就真係見到出現虧損。所以，保融係有風險，加息都真係不利於保融操作，但你睇到，要咩野Scenario先有虧損，事實（計數）勝於估估下。
有D Sales，好驚比客見到蝕錢嘅Scenario，其實真係唔使驚，事實上，就算你唔講，你以爲客戶咁蠢，自己心裏無數？不如攤出黎講清楚。
不過如果有客話因爲加息到9%會蝕錢所以唔做，咁呢D真係唔係你嘅客戶，因爲呢D客戶唯一可以投資嘅只有罐頭，因爲真心覺得9%利率水平會出現，股票、基金就一定唔使講，存款銀行都可能執笠，甚至港幣都可能因爲經濟崩潰而變廢紙。
Comments