筆者自1999年畢業後翻香港，第一份工作已經係做保險，响一間小型保險經紀做銷售中介人。果陣時，一個禮拜見10個新客，一個月都只係Close到3、4張單，自己都覺得自己渣。不過無法，凡事總有一個過程。
跑幾年數後，就開始心思思帶人Build Team。當年，Broker公司嘅支援非常有限，乜野都係自己做，登廣告請人，Interview，Training，請TM，都一腳踢。今日睇翻，好多經營一間Broker嘅事情，都是這些年學翻黎嘅，辛苦，總有得著。然後2012年，一D機緣，第一次成為公司嘅持牌CE，開始做公司管理嘅事情，2014年，加入一間中資券商，負責成立保險業務部門，就開始摸索學習從一條Team嘅管理變做成間公司嘅領頭人。
後來，希望再有一個突破，就出左黎搞公司，而家雖然都係公司RO，不過公司就自己有份。亦同好多行家，有好多合作、結盟。因為做左成二十幾年，覺得個個唔係Recruit人，就比人Recruit，好悶啊。講真，有幾多Team Head食人Override，真係教到人野？？搞到我地呢行，好似做傳銷，唔係比唔比到野人，係睇昆唔昆到人做自己下線，比自己食Override，然後唔做都有錢分。究竟我地行業可唔可以有第二種架構？呢個就係我同一班同路人呢幾年一直捻、一直嘗試實踐嘅理想。
人年紀大，竟然有一個衝動，希望可以把自己心裡面嘅一些感覺，同這些年得到嘅體會，同人分享一下，亦順便可以認識到一D同我有相同感覺，希望可以改變、突破呢個行業局限嘅人。果日，同識左十幾廿年，人稱IT界鬼才嘅Alex Wu（聽講佢做緊間銀行裏面，一人之下萬人之上）吹開水，得到佢拍心口支持（技術上，雖然我更希望係金錢上^^），成爲我地Blog嘅首席技術顧問（IT部暫時就佢一個），於是，有左呢個Blog。
By Blog主，Simon Liu。2021年最凍果個月。
Comments