top of page

高存款利息下點樣賣單?


呢排又有中介人同我講,最近定期利息做到4-5%,一開口介紹我地個Plan IRR有幾多,都俾客戶KO,話做定期仲高啦,好難Sell wor。


不過話説回來,定期存款簡簡單單,而且不用鎖死,如果加埋最近高息,又真係有優勢wor。


點樣拆?大概有兩個方面。


首先,定期優勢係短期、靈活,最長做12個月,都係12個月就保證攞返本金,當然加埋利息。但調轉講,呢樣野都可以係一項劣勢。而家高利息,做12個月定期,真係有4%以上,但12個月後?


市場上大家都有一個共識,雖然對幾時發生同發生得有幾急都有分歧,但都覺得方向一定係減息。一年後存款到期,應該好大機會利息低過今日。而就算減得比預期慢,一年後OK,那再一年?肯定無可能維持今日高利息。


如果客戶唔早作打算,之後恢復返之前1、2厘息,就真係好蝕。


第二個應對方法,就係唔好堅持Sell長期計劃。有一D保險公司,考慮自己整體資金嘅回報率,只會出一D長期計劃。係,40年IRR真係有6%,但10年、20年回報,就“橙不忍島“,仲要40年都唔好攞錢,如果唔係,回報更低。


無他,因爲保險賺錢就係靠時間夠長就可以拉上補下,對冲到風險。而短期計劃其實無乜錢賺,為左股東權益,好多保險公司都唔會出快見效產品。


但係公司Agent反映客戶日日話定期高息快見效,長Plan好難賣?呢D係你銷售人員嘅問題,你賣唔到單,餓死自己,關公司咩野事,公司只係考慮公司嘅ROE,因爲直接同高層嘅Bonus挂鈎。


事實上,而家市面好多短期計劃,第一年就保證派面值4%,連保費折扣,有4.25%,之後加埋保證現金價值升值,最高有5.6% tim。好多客戶睇見第一年都唔輸存款,而之後就Lock住高息,最近賣好多。


記得我之前講過,做Sales,要賣客戶想買嘅產品,但如果你堅持賣“公司想你賣“嘅產品(因爲公司嘅ROE最高),你好難怪客戶唔理你!

留言


bottom of page