top of page

無限傳承 – 更改受保人安排

香港保險產品設計日新月異,條款越黎越貼心。



之前買保險,邊個受保,就一直都係果個,就算持有人改左(例如小朋友單成年後轉番比自己),受保人都不變。咁都合理,因爲保險係有賠償,而賠償嘅風險係取決於受保人嘅情況,例如健康。如果承保後,改一個健康差好多嘅受保人,保險公司賠付嘅風險咪大好多?


但係如果純分紅嘅計劃,基本都無賠償,只係自己嘅儲蓄,再加賺取嘅分紅,受保人係邊個,基本都無乜影響。所以幾年前開始,純儲蓄嘅保險容許更改受保人。主要用途就係為左可以將Plan裏面嘅財富傳承比下一代。


因爲受保人係保險嘅標的,一旦受保人去世,就會賠償身故賠償比受益人,計劃就會終止,就算身故賠償其實只係本來嘅本金加紅利。


呢十幾二十年,香港保險好受大陸人歡迎,而中國人特別鍾意講傳承(記得有個皇帝講過要傳比二世,然後三世四世,直到萬世,雖然實際上二世而亡,所以暴政總無好結果),為左賣單,開始有保險公司(好似FWD同FTLife最早開始)加呢條改受保人嘅條款。


於是,原本受保人年紀開始大,覺得人總有一死,就可以將保單嘅受保人轉比後生一代,之後就算原受保人去世,但接任受保人仍然在生,計劃可以繼續運行,配合我地通常包裝呢類Plan做家族基金,年年派息,就係話成立基金嘅第一代唔响度,基金仍然運作,真係一個百年家族基金。


個人認爲,呢個條款,For Marketing多過實際用途,小朋友而家先幾歲,要等佢6、70歲,我肯定死左,當時候,下一代點,個世界點,我地今日點計劃到?不過,個人意見還個人意見,呢個gimmick真係好好Sell,D大陸佬鍾意到爆:今天成立這個計劃,十年後年年派息給你自己或者兒子,兒子之後轉給孫子,孫子拿完再給曾孫,不是富傳三代,而是萬代。。。(普通話)。


每次咁講,都聼到D客如癡如醉。

Comments


bottom of page