咩野係做銷售嘅最高心法？？
有D人（尤其無料到嘅Team Head）會話心態最緊要，所以日日要精神訓話，年年要搞咩野訓練營，最緊要剋服怕Selling嘅心理，係人都Hard Sell下。
有D人會話你知識講野最緊要，所以要上齊曬D咩野話術加强課程，可以氹到雀仔落樹，你想Sell咩野，客戶都會暈下暈下就簽名。不過，好死唔死，買保險而家有冷靜期，簽左名，落街俾北方風吹一吹，咩都醒曬。
其實，正如孫子兵法講：古之所謂善戰者，勝於易勝者也。
Selling嘅最高心法，都係揾最容易Sell到果一點去Sell。即係點？就係賣最容易賣到嘅野。咩野係最容易賣到？就係你客戶想買嘅野。
之前有一個Agent，同我傾一個Case，話有一個有錢客戶，身家應該超過5千萬，流動現金都過千，但跟左成兩年，都未Sell到。
再深入D講，原來個客有好多物業，買保單呢部分，係想將炒樓賺返黎D錢保存，要高保證。個Agent都介紹左幾個產品，但客戶都Feedback話回報都係非保證，唔啱。
去到呢步，大家都可能懷疑呢個客係唔係流？但關鍵就係，個Agent跟緊個客呢一年，個客同立橋嘅Agent買左300萬，1Pay5果隻。
答案就好明顯，客戶真係有誠意買野，所以都真係見過個Agent聼佢sell過幾次，而其實人地都講得好明白，要高保證嘅野，但係呢個Agent次次都Sell長期、歸元紅利個D，咪對唔上口味。
對家立橋，出名為左爭市場，一堆高保證，快見效嘅計劃，一講，咪搞掂lor。
我問個Agent，點解你要介紹呢D歸元紅利嘅產品？
因爲我公司都無1Pay5果一類產品，我自己又想賣返自己公司嘅野。
當然，我唔係話叫個Agent飛單出去，因爲犯法。
但“想賣返自己公司嘅野”，咪就係你自己嘅想法，你有無諗過個客想買咩野？
實情係，你只係賣緊你想賣嘅野，唔係客戶想買嘅野。
客觀上黎講，做得Agent，法律就要求你只可以賣自己公司嘅產品。呢個係先天不足，所以都養成好多Agent，見都未見個客，就問我打算賣咩野產品俾客戶，成日俾我閙，唔好呢個階段就諗賣咩野，不如做左KYC，睇下客戶有咩野需要，佢想買咩野先？
所以，我地做得輕鬆嘅Sales，好少花時間去將心態、話術挂嘴邊，反而用好多時間去分析客戶情況，以前做Team Member時，個個星期做Case Study，拎個Case出黎大家集思廣益。
氹雀仔落樹，最好方法唔係要識講野（應該都好難有人識“鳥語”），簡單D，放兜雀粟，雀仔自然就會飛落黎。
Comentarios