一直以來，個人比較少做危疾保險，因爲單頭比較細，而條款又比較多（即係麻煩好多），唔似分紅計劃，一做就做年保費10萬8萬，如果物業活化或者按揭優化之類，甚至係過百萬港幣到幾百萬美金。
但做得財富管理，都無可能話唔接危疾生意，尤其最近接左一間過萬員工機構嘅B2B合作返黎，佢地打開門，大客有，但更多一般客，自然最直接對危疾有需求。
Update返最新行情，原來比我上一次研究（幾年前），進步左好多。
首先，要鬥多病種，咩野100隻定168隻，已經無意思。因爲機率最多果幾種病，癌症、心臟病同中風，統計上已經佔左大約80%風險，加埋肝同腎，基本都覆蓋9成風險。其他果D咩野伊波拉，我覺得全香港加埋大中華，應該都未試過賠。
所以，針對癌症、心臟病同中風提供多重賠償，其實好實用，尤其呢幾種病，真係有機會中完又中。不過呢樣野已經係上一代嘅賣點，呢一代基本已經係每間保險公司嘅標配。
呢一期，比較突出就係有公司將認知障礙都包括入病種裏面。雖然我無正式統計過，但人老左，有認知障礙，真係好實在嘅風險。中度嚴重就賠20%，嚴重認知障礙就賠100%，然後因爲呢個病，真係無得好返，至多減緩惡化，所以再加每年6%持續賠償，可以用黎應付照顧開支。
呢個條款，真係好有話題，尤其可能你面對嘅潛在客戶，身邊有不同程度認知障礙嘅親人，自己都好驚有一日會遇到。其他熱賣條款，下次繼續。
Comments