top of page

扶不起的阿斗?


今日,又改變下話題,講D好似同賣保險無咩直接關係嘅野,不過其實也關於管理同世情,Generally Speaking,都係幫到做人處事,即係都幫到Selling。


好多人(尤其人講佢又信但自己又唔識歷史嘅老人家)如果要話一個人唔掂、教而不善,就會話呢個人係「扶不起的阿斗」,即係三國蜀漢後主劉禪。但其實劉禪真係咁扶不起?


好多人認爲劉禪扶不起,主要嘅論據係果個樂不思蜀嘅故事。話説蜀漢滅亡後,劉禪被俘到洛陽,司馬昭設宴招待,問劉禪有無挂住家鄉,劉禪回答話:「此間樂,不思蜀。」於是好多爛鬼書生就話劉禪係全無心肝、毫無上進振作嘅人。


但係,大家用Common Sense諗下,當時劉禪都打輸左,俾人俘虜左去洛陽,人在屋簷下,焉能唔低頭?扮下傻仔,話俾人聼自己無諗過返去成都重頭招兵買馬造反,呢D至係正確做法。唔通好似拍戲古惑仔打交,打輸左俾人捉住重要話你因住黎,我轉頭去拖馬。博比人打多兩下麽。


所以,有時候,自細教嘅歷史課本,好多其實係D住响象牙塔嘅白面書生撰寫,根本就不符情理。大家做事做人做生意,唔好以爲主流觀點一定係啱,可以自己用Common Sense去諗下,好多事情其實唔難理解。(好似一架船係沉係浮,一般人應該可以目測就知道,唔使等一個星期由專家確認其實仲浮緊。)

Kommentare


bottom of page