之前講到，扣稅年金出左咁多年，要買嘅，其實大部分都買曬，確實係難做左。但難做唔代表無得做，只要你俾D心機分析下，起碼仲有四類目標客戶。
上次講左第一類，係新移民黎香港嘅高才、專才同優才。
而今次開始講第二類，就係之前未買，因爲之前人工低，根本唔使點交稅，就算要交，都係稅率比較低果Bar，Given扣稅年金本身產品都真係幾唔靚仔，慳到個稅率得幾個%，咪無做lor。
但人生係不斷變化，尤其後生D果班，2019年開始有扣稅年金時候，得廿零歲，直接D講就係做緊靚，人工可能得兩萬幾，稅都唔使點交，扣乜鬼稅。
但經過5年時間，尤其有專業資格果班，挨過幾年Trainee階段，踏入30，職位同人工真係可以三級跳。都唔好講呢幾年大環境，上層好多提早退休搞移民，空左好多機會出黎。
所以，就係點解我地要年年同客戶Review，生意唔係一次性，係長年纍月建立關係。之前你推扣稅年金（因爲當年公司係咁催你，大家個個都做，群衆壓力嘛），個客唔Buy（因爲理性上真係幫唔到），但今年你趁機會同客戶出黎Update下近況，可能會發現客戶原來收入已經大增。
當然，你可以叫佢買其他咩野危疾、醫療、儲蓄，尤其佢情況有變，例如已經結婚、生仔。但肯定扣稅年金，即時可以慳到稅，係一項“剛需”。
你從最容易嘅入手，食左一單先，無規矩話你唔可以再Sell其他嘛。
Comments