top of page

扣稅年金仲可以Sell俾邊個?(一)




踏入年尾,又開始扣稅年金季節,各保險公司都陸續推出優惠。不過,扣稅年金呢樣野,都推左好多年,要買,都買左,仲有得做??

 

保險公司净係識話俾你知道,睇統計數據,其實仲有好多打工仔未買,所以你仲有好多機會,努力啊。。。其實,呢D未買嘅人,都有自己原因唔會買,包括其實收入偏低,根本扣唔到咩野稅,或者偏向後生,一來風險接受度高,看唔起年金果幾厘,二來要50歲先可以攞,唔好玩啦。

 

如果你净係聼公司水你呢個宏觀數據,唔分析下微觀市場Segment,咪撞版lor。

 

首先,事到今天,事實上要買,大部分都買左,肯定機會無可能好似當年一開始咁多,但只要你俾D心機去留意發掘,最少仍然有四大Market Segment可以做。

 

第一,最近幾年,香港政府鼓勵國内人士移民香港,搞左一堆高才、專才、優才政策,我好多之前大陸朋友、舊同事,都黎左香港。果日整理下今年扣稅年金D銷售戰術,突然醒起班友肯定未做,於是微信問下要唔要買。

 

結果,唔好話未買,班友連咩野係扣稅年金都未聽過。畢竟,黎一個新城市,生活同工作已經有好多野要適應,平日都成日問我好多香港人先識同應該識嘅野(例如要食,就唔好去普通日本舖食三色刺身,如果驚出街食貴,可以叫豐州直送,唔好以爲虹鱒魚可以生食)。

 

順勢解析一下,班友就直接說買,仲會問問身邊朋友(港漂)有無興趣,話呢樣其實係“剛需”,因爲稅點都走唔甩,可以慳到,無理由唔買。而我自己識得班友,講真,好有錢又唔係(果D係客戶,移民黎左又真係唔使做),但一次過預繳二十幾萬,又真係唔係咩野一回事。

 

所以,你都可以留意身邊有無呢D“新香港人“,好容易做到。其他三種Easy Target,下期再講。

bottom of page