top of page

定期存款都4%,Saving Plan好難賣?


最近加息,就個個都知道。除左保費融資貸款嘅利息加左之外,做定期存款利息都高左好多,成日話3厘4厘,而Saving Plan係就係高一D,有4~6%,但唔係全保證,所以好多人都走左去做定期。


我見好多行家都同我呻呢樣野,不過我詳細D問,具體你覺得你賣緊隻Saving Plan點輸比人,贏你隻定期係點,就個個都大哥得個窿。


其實,只要你深入研究而家出面嘅定期Offer,就不難發覺响財富管理上,定期有定期嘅定位,Saving Plan有Saving Plan嘅好處,係可以並存。


我仲可以分享一個心法比大家,就係唔好太過Sales,成日敵我分明,要放鬆D,學下做一個財富顧問,代入客戶角度俾建議。


如果抛開要Sell Saving Plan呢個身份,你就會發覺,定期高息左,做一D其實真係好合理。然後你亦自然會推論到,定期有定期嘅局限性(陣間講),全副身家做曬落去都唔合理,另外一部分錢其實買落Saving Plan度,分散,先係一個理性嘅平衡理財方案。


好多呢D高利息Offer,其實係“一蚊雞” 嘅Marketing Campaign,主要係銀行比一個優惠出黎,吸新客新資金,性質同申請Credit Card送演唱會飛一樣道理(亦好似一蚊一隻雞吸引你去食飯一樣)。如果客戶真係有呢筆錢,又真係無其他野好做,有著數緊係攞啦,但唔代表存款利息真係高過保單分紅。


好似我上網睇到,呢排最爆嘅係東亞銀行做緊3個月定期8.8%,Google一下,一堆報道彈出黎。So,净係呢個效果,已經完全達到Marketing呢個目的。


但係,如果你睇真D,你會發覺,呢個Offer係有條件嘅,首先要係透過佢地個App,成爲BEA GOAL新客戶,仲有呢8.8%上限係港幣1萬存款,實際3個月收到利息,都係220蚊之嘛。銀行其實當迎新禮品,用黎吸客。客戶如果貪呢個優惠,脆脆地存1萬入去,都無妨,但點都不至於搶曬Saving Plan生意。


當然,其他唔係“一蚊雞”嘅定期Offer都好多,其實利息都高過之前好多,但一般都係三厘幾,其實同Saving Plan 4~6%,都仲有一個相差。


而且,定期存款有一個“Reinvestment Risk”,呢個一般人通常都唔會留意到,但又真係確實影響財富收益,所以就要靠我地同客戶分析(如果唔係,你以爲財富顧問一味靠“話術”就可以?)。咩野黎?下回分解。

Comments


bottom of page