top of page

呢期好好賣嘅Coupon Plan


之前都話,有時候無客,歸根究底係因爲你口袋無產品可以滿足到客戶需要。所以,市場上有咩野好賣嘅新產品,一定要知。就算輸單,起碼知道死因。


呢排,某保險公司就出左一個20年期嘅Coupon Plan,真係秒殺其他同類型產品:

一筆過俾錢;

第1年底開始每年派Coupon;

每年保證2% + 非保證2% = 4%;

就算每年派發之後,第20年到期時仍然保證本金;

保證本金外,有22%期終紅利。


期終紅利如果Simple Mind D,除開20年,每年就大約有1%,加上4% Coupon,就係5%回報。


之前都講過,每年派5%,其實都有其他計劃可以做到,但其中有2%是保證,而到期又可以有本金保證,而且首年就開始派,唔使等,就真係突出。


當然,呢個計劃唔係無缺點(邊有產品係無懈可擊?有嘅,只係因爲自己净係代表一間公司,而話自己公司係宇宙最强嘅Sales),就係在於間保險公司可能會被認爲係細D嘅公司。


不過又咁講,保險公司就係保險公司,就算再細,都只不過係相對大型保險公司黎講,本身唔可能係小型公司,違約風險其實都非常非常低。擔心,可能只係一個感覺,唔係有咩野實際根據。


但係如果真係擔心(其實Understandable),但回報又真係吸引wor,點算?


投資嘅老土辦法:分散。如果個客有30萬,你就叫佢買其中10萬,有100萬,就買20萬啦。既然回報吸引,就唔好錯過,但就算萬一(真係好低機會),都只係部分錢之嘛。


要知道,你可以選擇全部財富買大型公司嘅計劃,啱,可能減低左違約嘅風險,但同時都保證你只能夠得到低好多嘅回報。例如某比較有名氣嘅公司,推出嘅Coupon Plan,每年派發只有2%(雖然佢地會話係面值嘅5%,但100蚊面值,就要用250蚊買,所以我真係唔知道點解要創作一個“面值”出黎,除左用來惃人之外)!!


一D買大公司嘅,就算低D回報;而另外一D,買細D公司嘅,因爲細D,所以公司願意賺少D,派高D利息。咁咪可以平衡回報同風險lor。


Komentáře


bottom of page