上回講到，要Sell Saving Plan，如果净係講計劃30年50年後嘅終值，唔Simulate下提款，唔比客戶感受下計劃可以提供咩野好處，咁樣難Sell到客戶，有咩野奇怪。今日就介紹下其中兩個最近好Sell得（即係客戶聽到就好有興趣）嘅提取花式。
首先第一款我地叫六六無窮，因爲呢款玩法，客戶儲5年錢，第6年就即刻可以每年提取6%，記得，係5年總保費嘅6%。有D保險公司人員，因爲自己公司計劃做唔到呢個效果，就話自己都做到六六無窮，意思係每年可以派到年保費（即係總保費嘅1/5）嘅6%。。。我真係激到嘔血。
最重要係計劃每年攞6%後，仍然不損本金，响第15年後，如果都覺得夠啦，希望攞番本金，退保價值已經超過5年總保費，即係不傷本金啦。（保險計劃太早贖回有收費，呢個係常識啦。）要知道，市場上分紅險好多，但係供完5年後，都要等到第11年先可以攞，對客戶嘅吸引力就低好多。如果供完，就可以即刻享受，見到銀行真係年年有一筆入數，真係會上癮㗎，分分鐘再同你買多幾份Plan。
另外一款，我地叫2 Pay “5”，爲何5要括住？因爲呢個5係代表5%，唔係5年。早10年8年，銀行（附屬嘅保險公司）好鍾意出呢類2 Pay 5，意思係供2年，然後等到第5年攞番。今日我地呢款2 Pay “5”，就係供2年，然後第3年開始每年可以攞2年總保費嘅5%，直到客戶128歲。
有好多Agent朋友同我講，賣黎賣去都係一千幾百美金嘅細單，因爲無大客嘅客源。我就真心覺得好慘，條team連呢D都唔教，最叻就係叫你跑數，有勇無謀做清兵。其實，用呢個2年Plan，就算一個普通屋邨師奶（我地以前口賤講，無錢嘅就係師奶，有錢嘅係叫做阿太），全副身家只有20萬斧頭錢，都可以叫佢分2年，一年10萬，然後第3年開始就每年有1萬存入佢銀行戶口。我相信好多師奶都會有興趣，每年1萬利息wor。又唔係去炒倫敦金，分紅保單，大家都知道穩陣野黎。
但係，就咁簡單，你就有一份10萬年保費嘅單，根本唔需要去識咩野上流社會有錢人，問題只係無人咁教你姐。而佣金方面，呢張兩年Pay嘅單，我地（Broker）比就算新入職嘅新人，都可以有$19,175。自己諗下點解自己做黎做去都係咁，仲日日被人Reject，話保險我買齊啦，好心轉賣多D Saving Plan啦。
有D人同我講，我咁“無私”公開呢個Selling戰術，益左人，我自己無收益，咪好蝕底，應該只係教自己Team Member先係。但無所謂，因爲呢兩個計劃，嚴格上市場只有一家公司做到，仲要係净係比Broker賣，Agent版本果個完全做唔到呢個效果，哈哈。所以，歸根究底，點解你做唔到大單，係唔係因爲你老豆唔係富二代（所以你唔係天生有缺陷嘅富三代。唔明？睇番IT狗啦）？定你自己無走出自己Comfort Zone，睇下呢個世界？成功，唔係得個勇字就得。
Comments