之前講左2個禮拜，Serviced Office點好點好，好似賣廣告。但我嚴重聲明，我從來沒做過地產，雖然我都好想响旺角有成層樓收租。我係真心有感觸而家創業真係容易左好多（比起我十年前乜都要自己搞），起碼我地呢D無烟工業，唔使機器，又唔使存貨，更加唔使請物流送貨。（早前有好多行家，分散風險，走去夾份開凍肉，一排雪櫃要投資，又要入貨，有需要自己做埋送貨，真係好煩。）
今日，租Serviced Office，無論逐個位租，定成間房自己條Team頂曬，都好經濟方便。其實，仲有另外一個辦法，就係Coworking。呢兩個Term，近黎成日講，好似講到係同一樣野，但其實係兩個唔同嘅概念。Serviced Office，其實都係租地方，不過以前，興净係租個地方，其他水電設備，傢俬枱凳，電腦電話，全部自己搞掂。而家D Centre，就好似酒店月租，有齊設備，咖啡機都有（不過要加月費），仲有人打掃，自己乜都唔使煩。而且最重要係靈活，無使簽2年租約，做生意，點知環境？
Coworking就唔同，雖然你可以當係散租個位，同埋坐大廳之嘛，其實本質咪一樣。但其實有D地方，真係分別好大。我租開果個Centre，有一個“Membership” 嘅Program，一個月費可以隨時用同集團所有Centre嘅Coworking Desk。 因爲我地做生意，就係要周圍見客跑數。例如今日要去港島見客，一個約10點中環，一個約4點銅鑼灣，中間時間點算？Office又係海港城。見完第一個1130，就算食個飯，都最儘係1點，點蒲3個鐘？返公司，一來一回，其實又係時間，返到去，個位都未坐暖，又話要出門口。
如果Join呢D Membership又唔同，人地港島都好多地方，預先Book定，見完第一個客，去銅鑼灣Centre做野，自己有部Laptop，有WIFI，可以準備聼日見客嘅Proposal。做幾個鐘頭，到時間就去見第二個客，善用時間。
而且，呢D Plan，仲分一個月内你要用嘅時間。如果無限使用，就貴D要3千幾。但講真，我地呢行，尤其做到Old Seafood，變會日日返工？老實講都未必有咁多客見。如果只係用10日（即係一半時間，記得段估都唔會星期六日都要返去做野），月費就只係2千，如果控制得好D，有時候出去做，有時候响屋企做（例如上晝出去見客，見完就返屋企），一個月用5日，就只係千二蚊一個月。
可能你會話，而家公司比個位你坐，就算無客見，返去打個躉，有個地方，無使搞到我呢種好似無根漂泊咁慘。但記得，我係講自己出黎自己跑，個Rate高成倍，好似之前講過，保融Minimum 140萬保費，Agent Rate 3.2%，自己搞公司收Wholesales Rate 8%，11萬同4萬嘅分別。如果幾個Old Seafood夾份，開間Agency，攞高Rate，然後盡量壓低成本，連香港做生意最貴果樣，都壓到每個人一個月千幾蚊，你自己計下，你要個位坐，定多D錢落袋好D？
Comments