已經係踢爆保費融資亂計回報嘅第4篇文章，一個Topic可以講4篇，其實好少見，不過呢個Topic又真係多野可以踢爆，無他，不良從業員D神經邏輯太多啦。之前講到，修正左幾個亂黎計算後，回報由聲稱嘅22%，跌到10.37%。如果假設HIBOR高一D等於1%（行文時0.16%），留個Buffer，十年期每年複息回報就係7.99%。但係，呢個回報仍然有一個好大問題，嚴格唔係計算問題，而係表達問題。點解會用10年期去講？咁9年會點？8年？7年？6年？甚至5年？
其實道理好簡單，呢個產品（雖然個Post無話邊間，但行内人一睇就肯定心知肚明）要第9年先跑出，之前都輸比同類產品。例如我Run過呢間保險公司嘅Proposal，假設HIBOR係0.2%（因爲不同公司產品都係同一個HIBOR，假設係高係低，大家都Level Ground，公平，所以無所謂），10年期嘅年回報係9.50%，而另外一間比較有良心（原因後面講）嘅保險公司嘅產品嘅回報，就真係得8.86%，所以行裏面好多人都話前一間保險公司嘅產品，保融套息係市場第一。
但係，保融套息，一個關鍵就係要貸款利息維持低企。老實講，而家嘅經濟環境，息口要加，都應該加唔快。三、五年，都應該風險有限。但10年，會唔會遠期左D，邊個敢保證低息環境可以維持10年？？係，果個計劃如果熬到10年，真係有9.5%年回報，計算上無錯，但如果熬唔到咁耐，會點？
筆者一向建議，保融嘅合理預期，應該7-8年就好，而且要做一個悲觀情況嘅分析，就係如果低息環境比想象中快完結，5-6年就要收檔（專業D嘅名詞係拆倉），回報會點，甚至會唔會蝕本？
按以上嘅例子，第一間保險公司計劃嘅7年期年回報會跌到5.95%，而第二間，仍然有8.05%。而如果真係天氣不似如期，5年就要收檔，第一間嘅年回報甚至係負7.23%（因爲計劃本身5年先啱啱Breakeven，所以蝕貸款利息），第二間仍然有2.92%，算執番身彩。
我點解話第二間公司有良心，因爲佢出呢個計劃時，明知道係比人做保融（雖然肯定唔會咁同保監講），所以設計早回本早收益，寧願後面無咁靚。而第一間（係啊，中資公司，係咁架啦），就設計到初期輸，後面就好靚，完全唔考慮呢種計劃無人會做咁長時間，後面靚，有X用？雖然理論上係D中介人用咁長期嘅鏡花水月去誤導客戶，唔關間公司事，但設計到個產品咁，係唔係真係Innocent？呢個問題要大家自己捻啦。
Comentários