之前講到，杠桿嘅壞處就係會放大虧損，但如果無虧損嘅機會（即係保證保本），就根本無野可以放大啦。
保單就係其中一個有保本機制嘅工具（另一個係債券），所以保單融資嘅出現唔係無原因，其實係一項非常好嘅投資操作，雖然有個別害群之馬出現Misselling情況，係需要加一D規管，但整體其實應該鼓勵，如果接受到風險同持續利息支出（當儲錢），客戶/投資者絕對有自由去選擇。
（起碼，我覺得好過叫退休人士去投咩野派息股票，賺4-5%，結果跌左30%以上。）
雖然保單係保本，但唔代表完全無風險。
保費融資，本質就係套利息差，唔討論單息複息問題，如果保單賺到5%，利息支出只係3%，中間咪有2%空間，而且呢兩個2%，係成舊保費嘅2%，而總保費係投資者首付嘅好幾倍，所以杠桿出黎嘅利潤係可以好大。
也因此，如果回報同貸款利率出現變化，呢個賺錢機會就可以逆轉。
例如保單可以預期回報5%，但呢個預期係非保證，如果到時候做唔到，利息仍然要俾，就會轉盈為虧。
但保單畢竟唔係股票，雖然都係話非保證，但出現太過“走樣”機會其實都低。而且我地係有得揀，而家間間保險公司都要公佈履行比率，我地可以揀一D持續做得到100%，最少都90%嘅保險公司。如果你係要揀出名年年都做唔足但係多Agent（所以一人一把口唱好）嘅大公司，就自己承受結果啦。
一方面我們爭取真係賺到5%，另一方面，我地可以控制成本。而家出面好多“爆煲”個案，就係D害群之馬係低利息時期，叫D其實資源有限嘅客戶去做，初初利率仲低過2%都OK，但後來升到接近7%（H+1.8%），就好難供得起。
而家如果用P，一般做到P-2%，實際利率4%多一點點，都可以接受。
但我地做得，肯定唔會滿足呢個水平。我地嘅客戶，最近都轉曬借瑞士法郎，雖然都跟隨美元加息，但而家成本加左都仍然只係大約2.8%（上年呢個時間1.35%），而且瑞郎匯價處於高位，之後分分鐘賺埋匯價（雖然我地强調，炒匯價唔係我地戰略目的）。
賺果邊爭取到5%，成本控制低過3%，中間就有可觀利潤。而且，呢個Simple Thinking，無考慮複息同單息對比，如果考慮埋，保融息差嘅風險係數，其實更低，下次繼續。
Comments