top of page

人地都話保險買左好多嗱!


响商業策略研究中,有一個好出名關於業務定位嘅典型講法:如果你定位你公司係做錄音帶,或者CD,你已經被淘汰好耐,因爲今日已經唔會有人聼錄音帶同CD,而係電話聼MP3,或者上youtube,未來可能有更新嘅平臺,總之科技一定係向前進步。(雖然筆者架車仲有一個CD位,但揸車聽歌,都係將電話用藍牙駁落架車播出黎,雖然D歌其實係當年買嘅CD轉成MP3過落電話裏面,懷舊金曲,張學友之類。)


但如果你公司定位係响聲音嘅市場,係為顧客提供一個聲音娛樂(歌?)嘅媒介,你就唔會輕易俾時代淘汰。可能40年前,你係出錄音帶起家,張國榮、梅艷芳之類,之後發明CD,就當然改出CD,張學友、黎明幾個四大天王。而家,就可以轉型响Apple Store賣歌,Mirrors(?)。


所以,有時候做生意,你點樣定位你自己嘅業務,係關乎生存嘅事情。

講返我地行業,好多人定位自己係賣保險。所以公司有咩野新款危疾產品,就第一時間要叫個客買多份,不過其實有沒有諗過個客係唔係真係需要多一份危疾,定因爲你要賣??

但我其實成日教D Team Members,你地要定位自己係一個財富管理顧問,意思係幫個客去解決問題,點樣用有限嘅資源(錢)去實現更大更多嘅夢想。

好似定位做錄音帶一樣,如果你覺得自己係保險Agent,當客戶買夠保險後,就真係唔會再想見你。所以好多同行朋友同我講,成日遇到客戶話自己全家都買齊保險啦,真係唔好再約出黎啦。


但如果你覺得自己係財富管理顧問,總之有關於錢嘅事情,你都可以提供到幫忙,你點會無野Sell?


個客啱啱買左樓,你當然可以Sell人壽,保障有咩野萬一,屋企人都唔會無錢還按揭。但係如果搞掂曬保障嘅事情,你就可以賣下Saving Plan,點樣額外提供每年被動收入,再唔係,層樓供多幾年後,睇下可唔可以做個Repayment Reserve,減輕每個月供樓負擔。最後,可唔可以叫個客(尤其50歲呢個年齡層),拎少少地幾十萬出來,但係可以留幾百甚至過千萬俾個仔甚至個孫。


如果你今日覺得生意越黎越難做,約親人,個個都揾個籍口推你,甚至直接同你講,如果出黎講保險,我買曬啦,唔好嘥時間,如果咁樣,不如試下跳出自己嘅框框,重新定位,諗多D個客所諗,可能你會進化到更高嘅一個層次。

Comments


bottom of page